آق بیق — حاجی بیرام ولی اصحابندن و کبار اولیاءاللهدن
بر ذاتدر. بو ذات اثنای سلوكنده آرزوی ثروت و غنایه مبتلا اولوب
كیفیتی شیخی مشارالیهه افاده و غناسیچون دعا نیاز ایلدكده مشار الیه صورت
انفعال كوستردیكندن شیخم بكا كوجندی دیه+رك كمال حجاب ایله حضورندن
چیقاركن باشنده كی عمامه یره دوشدی و اندن صكره بر دها باشنه بر شئ
كیمیوب وفاتنه قدر آچیق باش اوله+رق كزدی و بسبللی شیخ مشارالیهك
دعاسی بركاتیله اولملیدر كه از وقت ایچنده پك چوق ثروته نائل
اولوب فقط واصل اولدیغی درجات عالیه كوكلنده اقچه+یه بوغچه+یه آرزو
براقمدیغندن هر طرفدن هجوم ایدن التونلر و هدیه+لر خانه+سنك رافلرنده
حجره لرنده و مندر و یاصدق التلرنده رغبتسز بر حالده قالدی.
فاتح استانبول سلطان (محمد ثانی) حضرتلری استانبول فتحنه كلوركن
)آق بیق) سلطان و امثالی برقاج ذاتی دخی برابر كتورمش و دعا و نیازلرندن
فائدۀ كلیه حاصل اولمش ایدی. وفاتی (١٤٥٤ م و ٨٥٨ ه) تاریخندن
صكرجه و قبری بروسه+ده+در