اقباتان — همدان شهرینك نام یونانیسیدر بو شهر بحر حززك
جنوب غربیسنده و (الوند) طاغنك اتكنده (مدیا) حكومتنی ثانیاً احیا
ایدن مشهور (كیقباد) معرفتیله یایلمش و (٥٠٣٣ خ) تاریخنده یعنی
میلادك بشیوز التمش بر سنه مقدمنده كیخسروك و مؤخراً دها برچوق
حكمدارلرك ید استیلاسنه کچوب پای تخت و صیفیه اتخاذ اولنمش ایسه ده
) سلوسید)لرك النه كچدكدنصكره خرابه یوز طوتوب آز زمان ایچنده
یری بیلنمز درجه+ده خراب و نابود اولمشدر.
اشبو همدان شهری یدی قات سور ایله محاط و هر سوری ایچنه طوغری
بربرندن یوكسك و اك اورته+سنده بر سرای عالی و سورلرك هر بری بر رنكده
بویالی اولدیغندن و اوق مازغاللری بربرینك اوستندن ایشلیه بیلور صورتده
یاپلدیغندن كیرودن منظره+سی غایت لطیف و مهیب ایدی. بونك فراعنۀ
مصریه+دن بری معرفتیله یاپلدیغی دخی مرویدر. شمدی نفوسی قرق
بیك تخمین اولنمقده+در. یمن ولایتنده (ابها) قائمقاملغی داخلنده مسكون
قبیله لردن بر قبیله+نك اسمی دخی (همدان)در