افلاطون — یاخود (بیلاطون) — قدمای حكمای یونانیه+دندر
و اصل اسمی (اریستوقلیس) و مسقط رأسی (مغاره)در. بو ذات
٥١٦٤ خ) تاریخنده یعنی میلادك درتیوز اوتوزسنه مقدمنده+دنیایه
كلوب بر مدت تحصیلدن صكره مغاره+لیلرك آتنه+یه دخولی ممنوع و متجاسرلرینك اعدامی مقرر اولدیغی حالده (سقراط)ك (آقادە+میا) دنیلان باغچه+ده
اوقوتدیغی درسنده بولنمق ایچون قادین قیافتنده آتنه+یه كیدوب مومی الیهك
برنجی شاكردانی زمرە+سنه داخل اولدی و بعده ایتالیاده (فیثااغورس)ك درسنه دوام و مصره و یونانستن و سچلیایه سیاحت ایتدی و شایع
اولان شهرتنی چكه+میانلرك القاأتیله سچلیاده اسیر كبی صاتیلوب صكره
فیلسوف (سیره)نك دلالتیله تخلیص كریبان ایلدی و اورادن آتنه+یه
كلوب باقی عمرینی مجرد اوله+رق نشر ایله كچوردی.
افلاطون موجوداتك اصلی اوچ شیدن یعنی (آله واحد) و (ماده)
و (ادراك)دن عبارتدر دیوب آله واحدی عقل العقول و ماده+یی سبب
اول كون و فساد وادراكی ذات الله ایله قائم بر جوهر روحانی دیو تعریف
ایدر و هرانسان ایچون جناب حقك اخلاقیله متخلق اولمق و حكمدارلر
معاملاتنی اكا توفیق ایتمك یعنی عدالت و حكمت أوزره كتمك لازمدر
دیر ایدی.
روح مسئله+سنده اولان اعتقادی دخی انسانده بالذات متحرك اولان روح
اوچدر یاخود روحك اوچ شعبه+سی واردر و تعقل ایدن برنجی روحك
قراركاهی باش و نفس اماره+دنیلن ایكنجی روحك قراركاهی قره+جكر
و شهوات نفسانیه+نك منبعی اولان و قوۀ غضبیه+دنیلان اوچنجی روحك
قرار كاهی قلبدر و روح جسمدن آیرلدیغی زمان دنیاده حسن حال
تحصیل ایتمش ایسه سعادته نائل و سوء حالده بولنمش ایسه اولكی موجودیتنی
تذكر ایده مامك أوزره دیكر بر وجوده+دها داخل اولور دیدیكنه نظراً
تناسخ ارواحه قائل اولمقدن عبارت ایدی هله قادینلر مشترك قوللانلملیدر
و حاصل اولان چوجقلر بابالرینی بیلمیوب كندولرینی حكمداره وقف بیلملیدر
دیمسی غرائب احوالدن ایدی.
وفاتی (٥٢٤٧ خ) تاریخنده یعنی میلادك اوچیوز قرق یدی سنه مقدمندە+در