افغانستان — هرات و بلخ و كشمیر و بلوجستان و مولتان و ایران
ممالكی و پنجاب نهری آره+سنده مستقلًا اداره اولنور بر حكمدارلقدر و التمش بیك
نفوسی جامع اولان (کابل) شهری مركز اداره+سی اولوب (جلال آباد(
و (غزنه) و (قندهار) و (لوغمان) یاخود (علمدار) و )سیوی) و (فراح)
ولایاتی ممالك مشهوره+سندندر و (قوندور) و (اوزبك) و (تركمان)
قبائلندن و بلوجیلردن برچوق طائفه الیوم افغان حكومتنك تحت حمایه+سنده
و بالعموم نفوسی اون ملیون راده+سنده ایسه ده بر چوغنك اطاعتی
اولمدیغندن حكومت مذكورەنك نفوذی انجق التی ملیون نفوسه جاری
اوله+بلمكده+در. افغانیلر (١٠١٥ م و ٤٠٦ ه) تاریخنده مسلمان اولمغه
باشلادی و (١١٥٩ م و ٥٥٤ ه) تاریخنده سلطان (غوری) پادشاه
اولوب تیمورلنكك وفاتندن (١٥٠٦ م و ٩١٢ ه) تاریخنه كلنجه+یه قدر
یرلی حكمدارلر سلطنت سوردی و (١٧٢١ م و ١١٣٤ ه) تاریخنده
حكمدار بولنان (محمود بن اویس خان) قندهار و اصفهانی ایرانیلردن
آلوب بو فتوحات و شجاعت سایه+سنده ایران حمایه+سندن قورتلدیسه ده
)نادر شاه) قندهار و اصفهانی ینه استرداده موفق اولدی و افغانستان
یكرمی التی سنه صكره (احمد خان)ك همتیله بتون بتون استقلالنی اعلان
ایلدی و (١٨١٨ م و ١٢٣٤ ه) تاریخنده لاهور حكمدارینك عصیان
واستیلاسی و (١٨٤١ م و ١٢٥٧ ه) تاریخنده انكایزلرك تسلطی افغان
حكومتنی كركی كبی صارصدی و بونكله برابر افغانیلر بر سنه صكره
انكلیزلرك تسلطنی منعه موفق اولدیسه ده انكلیزلر ایشك اوجنی براقمیوب
)(١٨٧٨ م و ١٢٩٥ ه)
تاریخنده روسیه+لیلرك اورالر حقنده+كی انتریقه+لرینه
قارشو ینه حربه قیام ایلدی الیوم اوغراشمقده دیرلر