لغات تاریخیه و جغرافیه

Lugat-ı Tarihiyye ve Coğrafiyye

افسانه

Efsane

افسانه — دوزمه داستان و حكایاته اطلاق اولنور. داستانلرك بر نوعی اسكی یونانیلرك ارباب داستانیدركه بوكا (افسانۀ ارباب) دخی دیرلر و دیكر نوعی حمزه نامه و بطال غازی حكایاتی كبی شیلردركه بوكا (افسانۀ قهرمانی) دیرلر. حمزه نامه یتمش جلددر وقتیله عساكر عثمانیه+یی تشجیع ایچون ترتیب اولنمش و یكیچریلر زماننده هر اورته+ده قیش كیجه+لری اوقونمق بیاغی رسم حكمنه كیرمش ایدی.