افس — ازمیر ایله آیدین آره+سنده و مقدما (اسقاله+نووه) دنیلن
قوش اطه+سی قصبه+سنك ایكی ساعت بعدنده بر شهر قدیمدر. بو شهر
وقتیله معمور و دروننده+كی (دییان) معبدی مناسبتیله پك مشهور اولدیغی
حالده مؤخراً لیمانی صیغلشدیغندن یاخود ازمیر و قوش اطه+سی طرفلرینه+دها
زیاده رغبت حاصل اولدیغندن اعتباری قالمامش ایدی صكره بر آره+لق
) ایاسلوغ) نامیله ینه شهرت بوله+رق خیلی زمان مرورنده سلچوقیلره
كچدیسه ده لیمان مذكور بتون بتون بتاقلق حالنه كپروب هوایی اخلال
ایلدیكندن اهالیسی كاملاً اطرافه طاغلدی شمدی اراضیء خالیه حكمندە+در
و یالكز سلچوقیلرك درسعادتده+كی لاله+لی جامع شریفی جسامتده یاپدیردیغی
خراب جامع شریف ایله (شهاب الدین سهروردنیك) تربه+سی و دییان معبدینك
سدلری كورلمكدە+در. آنتقه جیلر دائما حفر ایدوب درلو درلو تصویرلر
چیقاررلر و بو مناسبتله یر التنده پك چوق ابنیۀ عتیقه و دیوار كوررلر.
)هراقلید) نام فیلسوف ایله شاعر مشهور (هیپوناقس) بوراده تولد ایتدی
و (٤٣١ م و ٤٤٩ م) تاریخلرنده نسطوری و اوتیش اعتقاداتنی تدقیقه مأمور
اولان هیئت رهبانیه بوراده اجتماع ایلدی. بر خصوصی تدقیقه حقسزلق
وقوعبولدیغی زمان جمعیات مذكوره+نك حقسزلغندن كنایه اوله+رق (ایاسلوغ
حیدودلغی) سوزی بر مدت ضروب امثالدن اولمشیدی. (دییان )
كلمه+سنه دخی نظر بیوریله