آفرینش — خلقت عالمه یاخود خلقت آدم علیه اسلامه تخصیص
اولنمش بر اسمدر. كیفیت و زمان خلقتا عالمی بو عقل قاصر ایله بیلمك
ممكن اوله+مدیغی حالده بعض ارباب فنون و تواریخ تحقیقه كیریشوب حق
تعالی ابتدا بر جوهر بسیط خلق ایتدی و بو جوهرك تمیعندن ابخره
و ابخرە+دن مواد اصلیۀ اجرامیه پیدا اولدی كبی سوزلر سویلدیلر و بر طاقم
كیمسه+لر دخی خلقت عالمدن هبوط آدم علیه السلامه دكین (١٧٥٥٤٢) سنه
یاخود ١٧٧٧٥٧) سنه یاخود (١١٧٧٥٩٤) سنه یاخود (١٧٧٧٨٤) سنه
كچدی دیدیلرایسه ده اشبو دعوالرینی اثباته كافی بر حجت و برهان كوسترە+مدیلر.
هبوط آدم علیه السلامدن میلاد عیسی علیه اسلامه دكین مرور ایدن ایام
حقنده دخی حال بو مركزده+در یعنی مقدار صحیحنی هیج بر مورخ تحقیق
و اثباته مقتدر اوله+مامشدر بو بابده اولان اختلافلری (تاریخ) كلمه+سنده
بیان اولنمش اولدیغندن اورایه مراجعت بیوریله