آفریقا — قطعات خمسۀ ارضك اك صیحاغیدر و شمالدن
جنوبه طوغری طولی سكز بیك و شرقدن غربه طوغری عرضی یدی بیك
بشیوز كیلو مترودر و اهالیء موجوده+سی یوز ملیوندن زیاده+جه
تخمین اولنمقدە+در.
بو قطعۀ وسیعه+نك منقسم اولدیغی یكرمی عدد ممالك جسیمه+دن آق دكز
سواحلی اوزرنده اولان بشی (مصر) و طرابلس غرب و تونس و جزایر و فاس
و بحر محبط غربی سواحلنده اولان دردی (صحرای كبیر) و (سنغامبیا)
و (کینۀ شمالی) و (کینۀ جنوبی). و جهت جنوبیده اولان اوچی
)هوتانتو) و (قاب) و (كافرستان). و بحر محیط هندی جهتنده اولان دردی
)موزانبیك) و (زنكبار) و (عدل) (وصومال). و بحر احمر ساحلنده
اولان ایكیسی (حبش) و (نوبه) . و وسطده اولان ایكیسی (سودان شمالی)
و (سودان جنوبی)در. آفریقا قطعه+سنه تابع اولان اك بیوك اطه
)ماداغشقار) اطه+سی اولوب (قناریه) و (یشیل برون) و (ماسقارت)
و (سه شل) اطه+لری انك دوننده+در و جهت شمالی و سواحل شرقیه+سنده
اسلام و اورته یرلرنده اکثریا پتپرست ساكن اولمقده+در و اك بیوك حكومتی
)آشانتی) پادشاهلغی و (داهومه) و فاس و حبش و زنكبار حكمدارلغی
و تونس و مصر والیلكلریدر.
وقتیله رومالیلر ایله یونانیلر آقریقانك یالكر جهت شمالیسنه كیره بیلوب فنیكه+لیلر
بتون سواحلنی طولاشمشلر و دكزدن امید بونی طریقیله هندستانه یول
اولدیغنی ابتدا اسپانیولر كشف ایتمش ایدی. الیوم ممالك معمورۀ ساحلیه+سی
دولت علیه و انكلتره و امریقا و دانیمارقه و اسپانیا و فرانسه و فلمنک
و پورتكیز دولتلری زیر تصرف و تملكندە+در.(حكومت) كلمه+سنه
دخی نظر بیوریله )