افراییم یاخود (افرام) — یوسف علیه السلامك ایكی
اوغلندن بریدر و دیكرینك اسمی (منسا)در. بو ذات پدری وفات
ایتدكدن صكره كندویه منسوب اولان و مؤخراً (سبط افراییم) نامیله شهرت
بولان قبیله+یه رئیس اولدی. بو قبیله بعد زمان ارض فلسطینده) شریعه)
نهرینك جهت شرقیسنده و اق دكزك جانب شمالیسنده توطن ایتمش و اولوقت
اورالره وادیء افراییم دینلمش ایدی. یعقوب علیه السلامك وفاتنه قریب
كونلرده حضرت یوسف علیه السلام اشبو ایكی چوجغنی پدری مشار الیهك
مصرده ساكن اولدیغی بلدیه كوتوروب اللرینی اوپدوردكده پك آشوری
ممنون اولدی و اختیارلغی مناسبتیله كوزلری كورمدیكندن مبارك اللرینی
چوجقلرك باشلرینه قویوب دعا و ثنا ایلدی. بو نام قدس شریف جوارنده
بر بیوك طاغه دخی ویریلمشدر