افراسیاب ترکی — ملوك پیشدادیاندن و افریدون سلاله+سندن
بر شجیع پادشاهدر. بوذات جهانكیرلكه یقین براقتدار ایله ایرانده التمش
سنه سلطنت سورن (منوجهر)ك اوزرینه اجدادینك انتقامنی آلمق ایچون
خروج و مومی الیهی طبرستانه قدر فراره مجبور ایدوب بر مدت صكره جیحون
نهرندن اوته طرفی كندو اداره+سنده قالمق اوزره عقد مصالحه ایلدی و صكره.
ایرانه دخی مستولی اوله+رق خیلی جانلر یاقدی و خانمانلر ییقدی و عاقبت
كندوسی دخی (زال بن سام) نامنده بر (خان)ه مغلوب و فراره مجبور
اولدیغندن خان مومی الیه منوجهر اولادندن (زاب) نامنده برینی كتوروب
تخت ایرانه اجلاس ایلدی. افراسیابك سلطنتی تخمیناً حضرت (موسی)
علیه السلام زماننده ایمش. یونانیلر افراسیابه (فریاپاتیئوس) دیرلر.
زاب) كلمه+سنه نظر بیوریله