)ابرهةالاشرم یاخود (ابرهه بن صباح الاشرم) — یمن
پادشاهلرندن بر ذاتدر یمنده وقوعبولان بر بیوك اختلالی باصدیرمق ایچون
زیر حمایه+سنده اولدیغی حبش نجاشیسندن بالاستمداد یتمش بیك عسكر
(كتوردوب ایشنی كوردیسه ده عساكر مرقومه+نك قوماندانی اولان (ارباط
ایله آره+لرینه برودت كیردیكندن اسكی راحتنی بوله+مدی و بر معارضه
اثناسنده ارباط بونك یوزینی ییرتدیغندن نامی (ابرهه الاشرم) قالدی
و مؤخراًً ارباط كوله+لری واسطه+سیله قتل اولندیغی جهتله ابرهه رقابتدن
قورتلدیسه ده نجاشی اشبو قتل ماده+سنی ابره+دن بیله+رك كلیتلو عسكر ایله
واروب انی دخی قتل و یمنی خراب ایده+جكنه و قفاسنی قیروب قاننی ایچه+جكنه
یمین ایتدیكندن ایش داها زیاده مشكلاته دوشدی و ابرهه درحال ارباطك
قفاسنی بر مقدار طپراق و قان و برچوق هدیه+لر ایله نجاشی یه كوندروب برائت
ذمتنی بیان و استرحام ایلدیكندن قصوری عفو و یمن حكومتنده ابقا اولندی.
اشبو ابرهه صنعاده نجاشینك نامنه بر جسیم كلیسا یاپدیروب (قلیس) تسمیه
اتمش و بوندن بویله اهالئ حجازك كعبه مكرمه زیارتنی براغوب اشبو كلیسایی
زیارت ایتملرینی و هر سنه مكه+ده قوریلان پنایرك صنعاده قورلمسنی امر ایلمش
ایدی بو امر اهالئ مكرمه+یه پك آغر كلوب اجرا ایده+مدكلرندن و ایچلرندن
برقاج جسور صنعایه كیدوب كلیسای مذكوری تلویث و تحقیر ایلدكلرندن
ابرهه حدتلنوب كعبه+نك هدم و محوینی و اهالئ مرقومه+نك تأدیبنی قوردی
و (٥٧٠ م) تاریخنده كلیتلو عسكر و اون اوچ عدد معلم فیل ایله مكه
اوزرینه یوریدی و برقاچ محلده مقابله ایدن قبائله غلبه ایدرك مكه صحراسنه
ایندی و علیه الصلاةوالسلام افندمزك جدی و قبیلۀ قریشك رئیسی اولان
)عبدالمطلب) كعبۀ مكرمه+نك محافظه+سنی جناب حقه براغوب اهالی ایله
طاغلره چكلدی و ابرهه فیللرینی عسكرینك اوكنه قاته+رق ایچرو هجوم
ایدركن من طرف اه ظهور ایدن ابابیل حجارۀ سجیل ایله مقابله ایلدیكندن مضمحل و پریشان اولدی و ابرهه فرار ایتمك استدیسه ده یولی بوله+مدیغندن ید اسارتنده اولان (نفیل المكی)دن دلالت رجا ایدوب (این المفر والاله
الطالب. والاشرم المغلوب لیس الغالب) جوابنی آلدی و عقیبنده
اكا دخی بر طاش طوقنمغله بلاسنی بولدی. بو طاشلر قنغی بر دشمنه طوقنویور
ایسه درحال وجودنده چیچك علتی كبی بر اثر حاصل اولور و انك
سرایتیله برقاچ دقیقه ظرفنده دوشر اولور ایدی.
ابن خلدونك افاده+سنه كوره (٧٩٦ م و ١٨٠ ه) تاریخنده كلان بر یمن
ملكنك لقبی دخی (ابرهه) ایمش.