اطلانتیت — اسكی زمانده منخسف اولمش بر اقلیم یاخود جزیره+در
بو جزیره بحر محیط اطلاسیده بر اوجی قناریه اطه+لرینه و بر اوجی امریقا
جوارنده واقع (آنتیل) اطه+لرینه منتهی غایت جسیم و واسع بر جزیرۀ كبیره
اولدیغی حالده هنوز معلوم اولمیان بر تاریخنده تصادف ایلدیكی حادثۀ عظیمه
ایله منخسف اولمشدر الیوم موجود اولان (آثور) و (مادر) اطه+لری
جزیرۀ مذكوره+نك اك یوكسك طاغلرینك تپه+لری ظن اولنمقدە+در. حكمای
یونانیه+دن مشهور افلاطونك ویردیكی معلوماته كوره بو اطه امید برونی
پیشكاهندن جنوبه طوغری طولاً اوچبیك اسطاط و عرضاً ایكی بیك اسطاط
و مربع مستطیل شكلنده ایمش