اصفهان یاخود (اصپهان) — ممالك ایرانیه+دن عراق عجم
ایالتی داخلنده و طهرانك اوچیوز اللی كیلو مترو جنوبنده بر شهردر.
بوراسی مقدما پك معمور و ایران شاهلرینك مقر سلطنتی ایكن (١٣٨٧ م
و ٧٨٩ ه) تاریخنده تیمورلنك و (١٧٢٢ م و ١١١٥ ه) تاریخنده افغانیلر
قتل عام و ضبط و تخریب ایلدیكندن خراب اولدی و یدی سنه صكره
)نادر شاه) افغانیلردن استرداد ایلدیسه ده آرتق امنیت ایده+مدیكندن
پای تختنی قالدیروب (طهران) كتوردی. اصفهانك اك معمور زماننده یعنی
شاه عباس ثانی وقتنده نفوسی التی یوزبیك رادە+سنده ایكن شمدی التمش بیكدن
زیاده دكلدر بعض اثار قدیمه+سی كورلمكدە+در. اصفهانده كوزل
اسلحه و قلیج یاپیلور ایپك و التون و كموش تللی قماشلر نسج و اعمال اولنور.
اصفهان عساكر معناسنه اولان (سپاهان)دن غلط ایمش