اصحاب صفه — زمان سعادتده طریقۀ عزلتی اختیار
و نفس نفیسلرینی زهد و صلاحه اجبار ایدن اصحاب كرام حضراتیدر.
بو ذوات محترمه هنوز جمع و ترتیب اولنان قرآن كریمی و احادیث نبویه+یی
قوۀ حافظه+لرنده حفظ و عبادات ایله اشتغال ایدرلر و دائما علیه الصلاة
والسلام افندمزك مظهر ثنا و التفات عالیلری اولورلر ایدی. كشف الظنون
صاحبنك قولنجه اصحاب صفه اوتوز درت ذاتدر و (بلال حبشی)
و (عبدالله بن مسعود) و (سلیمان فارسی) و (ابو مسعود) و (عكاشه)
و (ابوذر غفاری) و (ابو هریره) و (ثوبان بن معاذ) رضوان الله تعالی
علیهم اجمعین حضراتی دخی بو جمله+یه داخلدر