لغات تاریخیه و جغرافیه

Lugat-ı Tarihiyye ve Coğrafiyye

اصحاب كهف

Ashâb-ı Kehf

اصحاب كهف — صیانت و عنایت آلهی+یه مظهر اولمش یدی نفر ذواتدر. بونلرك بشی یاخود التیسی شرق ایمپراطوری غدار (دسیوس) یاخود (داقیوس)ك دائره+سی منسوباتندن و بریسی چوبان ایدی اشبو التی ذات هنوز انتشار ایدن دین نصارایه داخل اولدیغی و مرقوم دسیوس دین نصاری علیهنده پك زیاده شدت كوسترمكده و نیجه یوز بیك بیكناهك قاننه كیرمكده بولندیغی جهتله قورقولرندن قاچوب و یولده راست كلدكلری بر چوبانی دخی التماسنه بناء قبول ایدرك (افس) یاخود (افسوس)ك شرق جهتنه كیدوب بر مغاره+یه صاقلاندیلر و تفاسیر شریفه+ده تفصیلاً بیان بیورلدیغی اوزره جناب حق بونلری و چوبانك كلبنی بر بیوك اویخویه طالدیروب محافظه بیوردقدن اوچیوز طقوز سنه صكره اویاندیره+رق اوكون ینه اماته بیوردی. مدت نوملری حقنده نصاری اختلاف ایدوب اکثریسی یوزطقسان بش سنه دیدیلرسه ده صحیحی بالاده محرر اولدیغی وجهله+در و اویانملری خرستیان مذهبنه طرفدار اولان ایمپراطور (تودوسیون) زماننده یعنی هجرت نبویه علیه اكمل التحیه+نك التمش بو قدر سنه مقدمنده وقوعبولمشدر. اصحاب كهفك اسلام بیننده زبانزد اولان اسملری بشقه و كتب نصاراده بشقه اولدیغی كبی كتب نصاری دخی یكدیكرینه مخالفدر. بز بونلرك السنۀ اسلامیه+ده زبانزد اولان و ملكائی قاردینال (اوسی)نك دعا كتابنده بولنان وسائر كتب نصاراده كوریلان اسملرینی زیرده بیان ایده+جكز. قاموسده محرر اولان بش نوع اسملرینك بونلره مشابهتی پک آزدر. بعض کتب نصاراده دعا کتابنده اسلام بیننده یملیخوس ١ مالخوس ١ یملیخا ١ مکسملیانوس ٢ مکسیمیانوس ٢ مکسلینا ٢ اندونیوس ٣ یوحنا ٣ مسلینا ٣ مرتی نیانوس ٤ مرتینیانوس ٤ مرنوش ٤ دیونیوس ٥ دیونیسیوس ٥ دبرنوش ٥ کساقوسنودیانوس ٦ سارابیون ٦ سازنوش ٦ قسطنطینوس ٧ قسطنطین ٧ کفشططیوش ٧ قطمیر کلب ٨