ایروق — دیار رومده بر محلك اسمیدر ابوبكر هروینك افادە+سنه
كوره بوراسی غایت عجیب و اسلام و خرستیان طرفلرندن مشتركاً زیارت
و حرمت اولونور بر محل ایمش مومی الیه بن دخی كتدم و بر طاغ اتكنده
واقع حصار قپوسندن ایچرو كیروب یرالتندن كیدرك بر واسع محله چیقدم
اوراده بر كول و اطرافنده چفتجی خانه+لری و بر مسجد و بر كلیسا و متعدد
مغاره+لر و درونلرنده آدم اسكلیتلری وار ایدی و كیمیسنك وجودنده
مزراق و قلیج یارە+سی و كیمیسنك نقصان اعضاسی كورینور و بعضیسی
دیواره طیانمش ایاق اوزری طورر و بعضیسی اوتورر و بر قادین چوجغنه ممه ویرر و اوتوران بر چوجغك ایاقلرتده خنا حس اولنور ایدی مكر
روملر بونلری كندولرندن اولمق اوزره اعتقاد ایدرلر و مسلمانلر حضرت
عمر رضی اه عنه زمانندە+كی غازیلردن ظن ایلرلر و جمله+سنك صبراً وفات
ایتدكلرینه ذاهب اولورلر ایمش دیدی.
محل مزبورك حركت ارض یاخود وولقان سببیله باتمش بر حفرۀ جسیمه
ایدوكی اكلشیلییور ایسه ده نره+ده اولدیغی بیلنه+میور واقعا قونیه ایله
اقسرای اراسنده واقع اسبكشان ناحیه+سنده (ابروق) نامنده بر قریه و بو
قریه+نك جوارنده بر كول و اثار عتیقه وار ایسه ده اویله مغاره+لر و اسكلیتلر
اولدیعی ایشیدلمامشدر و مع مافیه مرور زمان ایله سد و غیب اولدیغی دخی
مستبعد دكلدر.