لغات تاریخیه و جغرافیه

Lugat-ı Tarihiyye ve Coğrafiyye

آشیل

Aşil

آشیل — جماهیر یونانیه+دن تسالیا حكمداری بولنان ذاتك اوغلیدر. جماهیر منكوره بالاتفاق ترووا اوزرینه كتمك اوزره ایكن بو چوجق دخی سائر دلی+قانلیلرله برابر كتمك هوسنه دوشدیسه ده والده+سی مساعده ایتمیوب قادین قیافتنده (ایسكیروس) اطه+سنه قاچیرمش و اوراده محافظه اولنمسنی تنبیه ایتمش ایدی مرقوم بعض كمسه+لردن یكیتلك دعواسنه طوقینور سوزلر ایشتدیكندن بر تقریب صاووشوب ترووایه واردی و وقوعبون محارباتك كافه+سنه كیروب پك چوق شجاعت كوستردی و ترووا قرالنك جسارت و شجاعتله مشهور اولان اوغلنی اخذ و عربه+سنه ربط ایله ترووانك اطرافنده كزدیردی. مرقوم آشیلك غضب و شدتی دخی جسارت و شجاعتی نسبتنده ایدی