اشعیاء بن عاموس علیه السلام — انبیاء بنی اسرائیلدندر.
یهودا ملكی (اوزیا) و (یوثام) و (اخاز) و (خزقیا) زمانلرنده و (ارمیاء)
علیه السلامدن اول قدس شریفده بولنورایدی. آثوریا ملكی (سناخریب
ممالك اسرائیلیه+یی اوردقدن برقاچ سنه صكره یعنی میلادك التی یوز طقسان
درت سنه مقدمنده ممالك یهودیه+یه دخی هجوم و بعض شهرلرینی استیلا
ایدرك قدس شریفی تحت محاصرە+یه آلدقده ملك خزقیا حضرت اشعیاء
ایله جناب واجب الوجوده التجا و چوللر كینه+رك عبادتخانه+سنده تضرع
و دعا ایلدیكنه و جناب حق مشارالیهك و خزقیانك دعا و نیازلرینی قبول
بیوردیغنه بناء سناخریبك اردوسی مستولی اولان وبا علتیله پریشان
اولدی. خزقیا بر دفعه امیدسز بر خسته+لكه دوچار اولوب حضرت
اشعیاءدن افاقتنی رجا و استرحام اتمشیدی مشار الیه دعا و شافیء حقیقی افاقت
احسان بیوره+جغنی تبشیر بیوردیسه ده خزقیا مطمئن القلب اوله+میوب
بر نشان التماس ایلدیكندن حضرت اشعیاء شمسك اون درجه حركتدن
قالدیغنی معجزه اوله+رق كوستردی. اشعیاء علیه السلامك وقایع آتیه+یی
یعنی حضرت (مسیح) و حضرت (محمد المصطفی) علیهم الصلاوةوالسلامك
ظهورینی و نیجه وصایا و تهدیدات و نصایحی شامل و التمش التی بابی مشتمل
كتابی ذیل توراتده مسطوردر. مشار الیه ملك (منشا) زماننده
پتپرستلكه سلوك ایدن یهودیلره قارشو شدید سوزلر سویلدیكی ایچون
بیچقی ایله شهید اولدی دیرلر.
اشعیله الفسز (شعیاء) دخی یازیلور