لغات تاریخیه و جغرافیه

Lugat-ı Tarihiyye ve Coğrafiyye

اشبیلیه

İşbîliye

اشبیلیه — اسپانیا ممالكی داخلنده و اندلسك جهت غربیسنده بر شهر شهیردر. بوراسی غوتلر و رومانلر زماننده (هیسپالیس) نامیله مشهور اولدیغی حالده اسلامه انتقالنده (اشبیلیه) دینلدی شمدی اسپانیوللر )سویلا) دیمكده+درلر. بو شهرك موقعی غایت مفرح و دائم الحضرة و لطیف الهوا و اووە+لری سما كورنمز صورتده زیتون اشجاریله مزین و معمور اولوب هر طرفنی (وادی الكبیر) نهری اسقا اتمكده+در. اسپانیوللر نهر مذكوره شمدی غلط اوله+رق (غواد الا كوبرا) دیرلر و (اشبیلیه)یی كورمیان غرائبدن هیج بر شئ كورمامشدر ضرب مثلنی حالا قوللانورلر حالبوكه مسلمانلر زماندن قالان اثارك همان كافه+سی محو اولوب یالكز (خیرالداء) قله+سی و امویلرك (الفصر) سرای عتیقی قالمش و اولوقت بر ملیوندن زیاده نفوسی وار ایكن شمدی یوز اون بیكه تنزل اتمشدر