لغات تاریخیه و جغرافیه

Lugat-ı Tarihiyye ve Coğrafiyye

آشاز / آخاز

Ahaz

آشاز یاخود (آخاز) — مركزی قدس شریف اولان ممالك یهودیه حكمدارلرندندر. سوریه و ممالك اسرائیلیه ملكلری ممالك یهودیه+یی ایكنجی دفعه محاصره ایتدكلری زمان مومی الیه آثوریلره مراجعت و برچوق التون و كومش اهدا ایدرك آنلرك معاونتیله یقایی قورتاردیسه ده كندو دیننی براغغوب ساخته آلهلره پرستش و انلرك اغورینه اوغلنی قربان ایلدیكندن و معاونت و احساننی كوردیكی آثوریا حكمداری ) تغلتفالاصر)ك خاطرندن چیقه مدیغیچون آنك امریله عبادتخانه+سنه پت آصدیغندن بین الملة ملحد و دینسز نامنی آلدی و ممالكی معاونت مذكوره مناسبتیله دولت آثوریه حمایه+سنه كیردی. مومی الیه اون التی سنه حكومت سوردكدنصكر. (٤٨١٧ خ) تاریخنده یعنی میلادك یدییوز اون یدی سنه مقدمنده وفات ایدوب الحادی مناسبتیله حكمدارانه مخصوص اولان مزاره دفندن محروم قالمشدر. كونش ساعتی بونك زماننده ایجاد اولندی