آسیا — فطعات خمسه ارضك اك واسعی و ابتدا معمور
اولانیدر و شمالدن جنوبه طوغری طولی طقوز بیك یدییوز و شرقدن
غربه طوغری عرضی اون ایكیبیك سكز یوز كیلومترو اولوب اهالیسی
التی یوز ملیون تخعین اولنمقدە+در جهت شمالیسنده (سبریا) و جهت
غربیسنده (اسیای تركی) و (عربستان) و جهت جنوبیسنده (ایران)
و (افغانستان) و (بلوجستان) و جانب شرقیسنده (چین) و (ژاپون)
و وسطنده (تركستان و تاتارستان كبیر) واقع اولوب بحر حزز و اورال
ناملریله ایكی عدد بیوك و مستقل دكزی و سكز عدد جسیم سلسلۀ جبالی
و مشهور نهرلری واردر.
اسیا قطعه+سنك بعض محللرنده برچوق زمان قبائل چین و اتراك و تاتار
و اعجام و یونان و ایكنجی عصر میلادیده روما دولتی و دردنجی عصرده
شرق ایمپراطورلری و یدنجی عصرده خلفای امویه و عباسیه و طقوزنجی
عصرده ملوك سلچوقیه غالبا حكم سوردی و میلاددن ٦٠٦ سنه مقدم
آثوریلرك انقراضی و ٥٦٠ سنه مقدم مشهور كیخسروك استیلاسی و ٥٨٧
سنه مقدم ایكنجی بخت نصرك قدسی استیلاسی و ٣٣٤ سنه مقدم اسكندر
رومینك غلبه+سی و میلادك التمش طقوزنجی سنه+سنده بیوك قدس محاصره+سی
و هجرتك اوتوز ایكنجی سنه+سنده ساسانیلرك اضحلزلی و سكسان ایكنجی
سنه+سنده جماجم محاربه+سی و یوز اوتوز ایكنجی سنه+سنده عباسیلرك امویلره
غلبه+سی و درتیوز طقساننجی سنه+سنده اهل صلیبك مهاجمه+سی و التی یوز
اوچنجی سنه+سنده چنكیزك و یدییوز یتمش سكزنجی سنه+سنده تیمورلنكك
استیلاسی و طقوز یوز یكرمنجی سنه+سنده چلدران محاربه+سی وقوعه كلدی.
آسیای صغر دنیلان اناطولی قطعه+سنه یونانیلر (آسیا مینور)دیر