لغات تاریخیه و جغرافیه

Lugat-ı Tarihiyye ve Coğrafiyye

اسود عبهله بن کعب

Esved Abhele b. Kâ‘b

اسود عبهله بن کعب — بو حریف زمان سعادتده یمنده توره+یوب مركبنه سجده ایت دیدكده یوزینی یره سورمك و ترسلن دیدكده. ترسلنمك كبی حقه+بازلقلرله برچوق خلقی كندویه جلب ایتمش و نبوت دعواسیله اطرافه مكتوبلر كوندروب اکثری یمن و نجران جهلاسنی كندوسنه اویدورمش بر خبیث ایدی علیه الصلوة والسلام افندمز انبار طرفندن آدملر ارسال و تدبیر حسنه ایله یاخود حرب و تضییق ایله اخذ و قتل اولنمسنی فرمان بیوردیغندن مأمورلر كیدوب و هر طرفی سلح بكجیلرله محافظه اولنان قصرینه زوجه+سنك تدبیریله آچیلان كدكدن كیروب قفاسنی كسدیلر و قان دوكلمكسزین غائله+سی بر طرف اولدیغنك خیر بشارت اثری علیه الصلوة والسلام افندمزك ارتحالیله جناب ابا بكرالصدیقك خلافتی اثناده كلمكله عموم مسلمین مسرور اولدیلر.