اسوج یاخود (شیوه+ت) — شملاً و غرباً بحر منجمد شمالی
وجنوباً بحر بالطق ایله محدود اولان و شمال شرقیسی روسیه+نك لاپونیا
الكاسنه متصل بولنان (اسقاندیناو) شبه جریرە سی اوزرنده واقع ایكی
قطعۀ جسیمه+نك بریدر دیكری (نورج)در بونلرك اكرچه
ایكیسیده بر قرالك زیر حكمنده ایسه ده اداره+لری مشروطیت وجهله
بشقه بشقه اولدیغندن بربرلرینك قانوننه مداخله ایتملز. اسوچ
قطعه+سنده اكثریسی پروتستان اولمق أوزره+درت ملیون و نورج
قطعه+سنده بر ملیون سكز یوز بیك نفوس تخمین اولنیور. قرالك پای
تختی اسوچده واقع یوز اللی بیك نفوسلی (استوقولوم) شهریدر.
اهالیء مملكت اسوچه (سوهریج) و فرانسزلر (سوئد) دیرلر.
ذكر اولنان شبه جزیرە+نك منطقۀ منجمده+یه یقین اولان محللرنده بعنی التمش
طقوز و یتمش عرضلرنده یاز كونلری كونش برقاچ هفته افق اوزرنده
دوران ایتدیكی كبی قیش كونلری دخی اول قدر مدت نابدید اولور بو
مظلم زمانلرده اهالی مهتابلر و مشعله+لر ایقادیله ایشلرینی و اخذ واعطالرینی
یپارلر و قار اوزرنده بیورتدكلری قیزاقلرینه كیك جنسندن بر نوع حیوان
قوشارلر و طوك ایركن باشلادیغی سنه+لرده كویلیلر چام قبوغندن معمول
بر نوع خمیر تناول ایدرلر. اسوچ دولتی آمریقاده واقع كوچك آنتیل
اطه+لرندن (سن بارتلمی) نام اطه+یه دخی مالكدر. اقتداری ایچون
حكومت كلمه+سنه نظر بیوریله.