لغات تاریخیه و جغرافیه

Lugat-ı Tarihiyye ve Coğrafiyye

سلیمان بن عبدالملك

سلیمان بن عبدالملك — ملوك امویه+دندر (۷۱٤ م و ۹٦ ه) تاریخنده قرنداشی ولیدك یرینه تخت حكومته کچدی كنیه+سی ابو ایوب اولوب (٦۰ ه)+ده مدینۀ منوره+ده تولدو (۹۹ ه)+ده ارض قنسرینده واقع (دابق)+ده مرابط اولدیغی حالده وفات ایلدی محال مختلفه+ده فتوحات كثیره+سی واردر اوزون بویلی كوزل بیاص فصیح بلیغ و شاعر و ادیب كیمسه اولوب خلق كندوسنه مفتاح لخیر دیرلرایدی زیرا خلیفه اولدقده امت محمد حجاج بلاسندن امین اولدی و زندانلری بوشالدوب رجال و نسادن ایكی یوز بیك اسیر آزاد و عمر بن عبدالعزیز حضرتلرینی استخلاف ایله رعایایی و برایایی قات اندر قات ممنون و دلشاد ایلدی
مرویدركه حجاجك كاتبی یزید بن مسلم سلیمانك حضورینه كیردكده سلیمان مر+قومه (نه دیوسك حجاج قعر جهنمده بر قرار اولدیمی یوقسه دها اوچوب کتمكده میدر) دیمسی اوزرینه یزید (یا امرالمؤمنین یوم قیامتده حجاج پدرك ایله قرنداشكك آرەیرنده كلور اولوقت نه كونه استرسك اویله+جه جهنمه وضع ایله) دیو رد جواب ایتمكله سلیمان سكوته واروب مؤخراً حبسنی فرمان ایلمشدر