لغات تاریخیه و جغرافیه

Lugat-ı Tarihiyye ve Coğrafiyye

غالیەن / لیسینیئوس اغناتیوس غالیە+نوس

غالیەن یاخود (لیسینیئوس اغناتیوس غالیە+نوس) — روما ایمپراطورلرندندر بو ایمپراطور (والە+ریه+ن)ك اوغلی اولوب (٢٣٢ م) تاریخنده تولد و (٢٥٣ م) تاریخنده پدری طرفندن تخته شریك ایدلدی و (٢٦٠ م)ده پدری شابور طرفندن اسیر حرب ایدلمسی اوزرینه پدرینی اسارتدن قورتارمق شویله طورسون بونی استقلالنه بروسیله و نعمت عظیمه بیلوب كندوسنی ایمپراطور طانتدیرمغه غیرت و خواهش كوستیدی. زمان ادارەسنده مرتكب اولدیغی كوناكون مظالم و سنفاهت و اسرافات اثری اولەرق باربارلر غول و یونانستان و شرقه استیلا ایدوب اكر متفقلرندن تدمر قرالی غیرت ایتمامش اولیدی بتون ممالكی حوزۀ حكومتندن چیقاجق ایدی صوك كونلرینه طوغری براز اصلاح احوال دولته قیام ایله ایلیریاده (انژه نواوس) غولده (پوستوموس)ی تحت اطاعته كچودیسه ده شو قیام بالآخره قانی بهاسنه اوتوروب میلانده (اورەله اوس)ی محاصره ایتمك اوزره ایكن (٢٦٨ م) تاریخنده ضابظلرندن بری یدیله قتل اولندی