لغات تاریخیه و جغرافیه

Lugat-ı Tarihiyye ve Coğrafiyye

شیرویه

Şiruye

شیرویه — ساسانیاندن شهور خسرو پرویزك اوغلیدر شرق ایمپراطوری (مور یس) ك قزندن تولد ایتمشیدی (٦۲۹ م و ۷ ه) تریخنده پدرینی اعدام ایتدیرە+رك یرینه كچدكده امر سلطنتی كندیسنه محصور طوتمق ایچون اون بش نفر قرنداشلری و اولادلرینك دخی بیهوده قاننه كیرمش و ارتكاب ایلدیكی شو فضاحت ایسه كندوسنی انجق طقوز ای پایدار سریر شاهی ایده بیلمشدر. منقولدركه شیرویه پدری خسرو پرویزی اعدامه مأمور كوندردكده پرویر مأموره (سنك مقدما بكا خیلی خدمتك وار ایدی بناءً علیه خائن اوغلمه قالمامق ایچون فلان صندیغی آلمكی توصیه ایلرم) دیر مأمور دخی ایفای وظیفه+دن صكره صندقله برابر شیرویه+یه واروب كیفیتی خبر ویرمسی اوزرینه صندیغی آچارلر. ایچنده بر حقه وحقه+نك ایچنده برفاچ حب ایله (هر كیم بو حبدن بردانە+سنی یوتارسه صره+سله اون بكر ازاله+سنه مقتدر اولور) عباره+سی محرر بر پوصله جیقار شیوریه ایسه ذاتاً اسیر شهوت بر آدم اولدیغندن او كیجه حبی بوتارق درحال مسموماً ترك حیات ایلر بو قضیه+یه مبنی خسرو پرویز خصمندن اخذ انتقام ایدن میت تعبیریله شهرتكیر اولمشدر. حبی یوتدی سوزی بوندن قالمش اولملی