شیخ آلهی — عظمای اولیاء كرامدن اولوب اسمی (عبداللّه) و سقط رأسی مغنیساده (سماو) قصبه+سیدر بر مدت سماو و درسعادتده علوم ظاهره ایله اشتغالدن صكره تحصیل علوم باطنه ایچون فحول علمادن مولانا طوسی ایله خراسانه كیدوب اوراده بر اره+لق مومی الیهدن و مؤخراً
سمر قندده خواجه عبیداللّه حضرتلرندن اقتباس انوار معارف ایلدی بعده بخارایه عزیمتله خواجه بهاءالدین نقشبند حضرتلریك مرقد شریفلری اوزرنده طقوز ار بعین چیقاروب روحانیتلرندن استفاضه و اورادن سماوه عودت و بر مدت اقامتدن صكره اولنان الحاح و التماسه مبنی درسعادته كلوب زیرك مدرسه+سنده ارشاده مشغول اولدی اخیراً دخی اورانوس زاده احمد بكك التماسیله یرینه سید احمد بخاری حضرتلرینی براغوب كندوسی مومی الیه ایله یكیجۀ وارداره عزیمت والی آخر العمر اوراده تألیفات وارشاد عباده حصر همت ایلدی. ارتحالی حقنده سویلنان تاریخ لطیفدر
غریق رحمت حق شد ازان رو
۸۹۶شىش تاريخ (رحمت بر الهي)
.زادالمشتاقین) و (نجات الارواح) نام كتابلر جلۀ تألیفاتدندر)