شهرستانی — اسمی محمد بن ابی القسم كنیە+سی ابوافتح ولادتی شهرستانده (۱۰۷۴ م و ۴٦۷ یاخود ۴۷۹ ه) وفاتی كذا شهرستانده
(١١٥٤ م و ٥٤٩ ه)
تاریخیدر. شهرستان خراسانده بر بلده ایسمیدر
مومی الیه ائمۀ متكلمین اشعریه+دن بری اولوب علم كلامی ابو القسم انصاری و فقهی ابی نصر قشیریدن حدیثی دخی نیشابورده علی بن احمدالمدینی+دن تعلم ایلمش و (۱۱۱٦ م و ۵۱۰) تاریخنده بغداده ورودی اثناده عامه ناس طرفندن مظهر حسن قبول اولمشدر. محفوطاتی دائرۀ احصادن خارج مرتبه+ده كثیر و محاوراتی غایت مرغوب و دلپذیر اولوب بولندیغی محللرده خلقی نصایح حكیمانه ایله طریق حقه ارشاد ایدردی
علم كلامده (نهایة الاقدام) نام كتابی و (ملل و نحل) و (کتاب المناهج
(والبینات)
و (و كتاب المضارعه) و (تلخیص الافسام لمذاهب الانام) تصانیف مقبوله+سی جمله+سندندر