لغات تاریخیه و جغرافیه

Lugat-ı Tarihiyye ve Coğrafiyye

اسماعیل صفوی

İsmâil Safevî

اسماعیل صفوی — برنجی اسماعیل صفوینك حفیدیدر. بونك پدری (طهماسب خان) (١٥٧٦ م و ٩٨٤ ه) تاریخنده وفات اتمك اوزره ایكن ایران وكلا و امراسی ایكی طرف اولوب بر طرفی اشبو اسماعیله و دیكر طرفی قرنداشی حیدر میرزایه بیعت اتمك استدی بینلرنده برچوق مقاتله وقوعندنصكره اسماعیل طرفلیلری غلبه ایتدیكندن شاه اسماعیل پدرینك حیاتنده حبس اولندیغی محلدن چیقوب تخته اجلاس ایدلدی و درحال حیدر میرزا طرفدارلرندن بر چوغنی و اون بر نفر قرنداشنی و عمزاده+لرینی اعدام ایتدیروب پك سودیكی بیوك قرنداشیله مدبر الملكك كوزلرینه عنایت مخصوصه اولمق اوزره میل چكدیردی لكن رافضیلرك علیهنده اولدیغنی و سب شیخین بدعت مذمومه+سنی منع افكارنده بولندیغنی بردن بره اظهار ایلدیكمندن امرا و اهالینك اكثریسی یان یان باقمغه باشلادی و جلوسنك ایكنجی سنه+سنده بر كیجه معشوقی )حلوایی حسن بك) ایله یاتوركن ایكیسی بردن اعدام اولنوب یرینه بیوك قرنداشی (اعما محمد) كچدی و بو دخی مصالح دولته نظارت اتمك ایچون اعما بر صدراعظم انتخاب و تعیین ایتدی. بر روایتده اسماعیل صفوی همشیره+سی یاخود زوجه+سی یدیله قتل اولنمشدر