ابراهیم الموصلی — خلفای عباسیه+دن (مهدی) و (هارون
الرشید) زمانلرنده موسیقی شناسلقله كسب اشتهار ایتمش بر ذاتدر اكثر
اوقاتده مشار الیهما بونی حضورینه چاغیروب غنی و اشعار و صحبتیله تلذذ
ایدرلر و پك چوق عطیه+لر و جاریه+لر ویررلر ایدی بر كون قوناغنك
قپولرینی سد و هیج بر كمسه+نك قبول اولنمامسنی تنبیه ایدرك ایچروده جاریه+لریله
اكلنور و كندی زوقیچون چالوب چاغیرر ایكن اوطه+سنه بر مشكل شیخ كیرر
و ابراهیم تعجب ایدرك كیم اولدیغنی و نره+دن كلدیكنی و نصل كیردیكنی سؤال
ایلدكده شیخ بنم نره+دن كیردیكم سكا لازم دكل قپوجیلرده ده قصور یوق
بن شیطانم و استدیكم یردن كیرمكه مأذونم سزك غناده شهرتكزی ایشتدیكم
ایچون كلدم لطف ایدوب براز شی اوقورسه+كز ممنون اولورم دیر و ابراهیم
كمال دهشتله عودینی النه آلوب بعض ابیات او قودقدنصكره شیطان دخی
عودی آلوب برچوق نغمات اجرا ایدر و سن بو مقامی ایشتمامشسكدر
بوكا (ماهور) دیرلر بوندن صكره سندخی اوقویه+بیلورسك دیوب كوزدن
نهان اولور (ابراهیمك) بو حكایه+یی هارون الرشیدی اكلندیرمك ایچون
اویدورمش اولمسی دخی مأمولدر. عراق طرفنده مشهور اولان (ابراهیمی
مقامی بونكدر و وفاتی (٨٠٣ م و ١٨٨ ه) تاریخنده+در. اوغلی اسحق
موصلی دخی شعر و غناده پدرندن اشاغی دكل ایدی