لغات تاریخیه و جغرافیه

Lugat-ı Tarihiyye ve Coğrafiyye

شهاب

شهاب — كیجه سماده یلدیز كبی لامع كورینوب كرۀ سما اوزرنده بیوجك بر محرك رسم ایدرك سقوط و غیبو بت ایدن كره+جكلره تعبیر اولنوركه سقوطلرنده رسم ایلدكلری اذناب لامعه بعض كره خیلیجه دوام ایدر شهابك كثرت و وفرتی اغستوسك اونی ایلولك اوتوز بری و كانون ثانینك ایكیسی و اون ایكیسنده اولدیغی كبی وقوعی هرسنه بر دكلدر شهابك اسباب حقیقیه+سی برچوق وقتلر مجهول قالمشیدی شمدیلرده ایسه اهل هیئت سیارات سائره كبی شمسك اطرافنده حركت ایدر مواد مشتعله كومه+لری اولمسی و كرۀ ارض حركت سنویه+سیله مذكور كومه+لردن بری داخلنه كیرنجه كومه+نك سرعت حركتی مناسبتیله هوای نسیمینك اجرا ایلدکی تضییقدن كومه+یی تركیب ایدن مواد مشتعله+دن بعضلرینك آتش آلمسی احتمالنی قبول ایلدیلر. حتی بونلردن بر طاقمنك شدت كثافتلری مناسبتیله جاذبۀ ارض ایله منجذب اوله+رق سطح ارضه سقوط ایلدكلری دخی ادعا اولنمقدە+در بو كومه+لرك شمدی+ یه قدر اك دقتلی رصد اولنانلری اغستوسك اونیله ایلولك اوچنده تصادف ایدیلانلردر و برنجی كومه+نك تشكیل ایلدیكی طولانی حلقە+نك عرضی اپیجه اوزون اولدیغندن كرۀ ارض بوكومه داخلنده برقاچ كونلر بولنور. ایكنجیسی ایسه كرۀ شمسك اطرافنده اولان محركنی ۳۳ سنه+ده دور ایده+بیله+جك قدر كوچك اولدیغندن انجق ۳٣ سنه+ده بركره رصد اولنه+بیلوب كورلدیكی برقاج ساعت ظرفنده عادتا شهاب یاغموری .دنیله+بیلە+جك درجه+ده كثرت اوزه سقوط ایدر