لغات تاریخیه و جغرافیه

Lugat-ı Tarihiyye ve Coğrafiyye

شوالیه / قوالیر

Şövalye / Kavalyer

شوالیه یاخود (قوالیر) — رومانك مؤسسی و برنجی حكمداری اولان (رومولوس)ك هیئت مستحفظه+سنی تشكیل ایدن اوچ یوز نفردن عبارت ممتاز بر سواری فرقه+سنك اسمیدر بو صنفه داخل اولمق ایچون اوللری اراضی+یه تصرفله ثروته مالك اولمق و مؤخراً (سرویوس تلبوس) زماننده یوز بیك (اس) یعنی بشبیك ایكیوز اللی فرانق و ایمپراطورلر زماننده درایوز بیك (سستری) یعنی یوزیدی بیك بشیوز التمش فرانق اقتدار مالی بولنمق و اولاً چوقدارلی و آخور مدیرلكی خدمتلرینی ایفا ایتمك شرت اتخاذ ایدلمشیدی. شرائط مزكوره+یی حائز اولوب شوالیه سلكنه داخل اوله+جق بر ادم كلیسایه كوتوریلوب پاپاسك دعاسنه مظهر اولدقدن سكره اوقونمش اولان قلیجی تقبیل ایله طاقینور و بعده پرمغه التون یوزك و بویننه التون زنجیر و خانه+سنك سقفنه یلقوان طاقار و میدان اویونلرنده برنجی صندالیه+یه اوتوره بیلورایدی. شوالیە+لر ویركوی عمومی+یی دخی التزم ایتدكلرندن (پوبلكین) نامیله دخی یاد اولندیلر. شوالیه عنوانی قرون وسطاده حرب و ضربه مقتدر ارباب نجابته منحصر اولدی و مبارزه میدانلرنده كورنمك و سنجاق طاشیمق و قاریلرینه (مادام) دنیلمك اصول اتخاذ قلندی. شوالیه+لردن بری وظائفنده قصور ایندكده درحال اخانتی اعلان و امتیازی رفع و اسقاط اولنوریدی شوالیه+لرك اك مشهور محاربه+لری شارلمان زماننده وقوعبولمش و مؤخراً ادارۀ مالكانه+یه منقلب اولان امتیازلرینك اك پارلاق وقتی صلیبون زماننه مصادف بوننمشدر