شمویل علیه السلام — انبیای بنی اسرائیلدندر (۴۵۰۲ خ) تاریخده یعنی میلادك بیك طقسان ایكی سنه مقدمنده جمهور بنی اسرائیل ریاستنی عهدۀ استیهالنه آلوب اون اوچ سنه ضبط و ربط اموره بذل همت ایلدیسە ده بنی اسرائیل ارتق ادارۀ جمهوریە+دن او صاندقلرینی بیانله ایچلرندن برینك ملك اصخابنی رجا ایلدكلرندن مشارالیه باوحی آلهی شاوول یعنی (طالوت) ی انتخاب و اجلاس ایدوب فقط شاوول بر مدت صکره مشار الیهك رأی و تدبیر و نصایحنی عدم اصغایه باشلدیغنه بناءً كیزلیجه (داود) علیه السلامی یرینه انتخاب و شاوولك عمالقه محاربه+سنده مقتولاً وقوع وفاتی اوزرینه سریر شاهی+یه اقعاد ایلدی. شمویل سبط نبوتدن (حنا) اسمنده بر خاتوندن زیوآرای مهد وجود اولە+رق قرق یاشنده سلك جلیل انبیایه التحاق ایلمشدر. نام عالیلری بعضاً الف ایله (اشمویل) دخی یازیلور