شمسون — شجعان بنی اسرائیلدن بر مشهور كمسه+در كه بهادرلغی سایە+سنده قومنی فلسطین حكومتنك قرق سنه مدت دوام ایدن بلیۀ طاقتكداز حكم و اسارتدن وارسته ایلمش و بنابرین (۴۳۸۲ خ) یاخود(۴۴۲۳ خ) تاریخنده یعنی میلادك بیك ایكیوز اون ایكی سنه مقدمنده عنانكش اشهب ریاست اولە+رق و فلسطینلیلرله دها برچوق زمان میدان حرب و وغاده یاریش ایدرك اكثرنده حائز قصب السبق اولمش ایسە ده اك صكره اچدیغی بر محاربه+ده حریت ملت اغورینه اسیر دوشمشدر. مومی الیه اول وقت (شمسون الجبار) دینمكله كسب اشتهار ایتمشدی. مدت حكم و ریاستی یكرمی سنە+یه منتهی اولدیغی منقولدر. بنی اسرائیل بونك قوت و شجاعتی حقنده برچوق اینانلمز مبالغه+لر یازمشلردر