لغات تاریخیه و جغرافیه
Lugat-ı Tarihiyye ve Coğrafiyye
ی
ه
و
ن
م
ل
ک
ق
ف
غ
ع
ظ
ط
ض
ص
ش
س
ژ
ز
ر
ذ
د
خ
ح
چ
ج
ث
ت
پ
ب
ا
شمس تبریزی
Şems-i Tebrîzî
شمس ترریزی — كبار اولیا و والهان دیدار خدادن برمعارف پرمعارفدر. مولانا جلال الدین رومی حضرتلری مشارالیهك القاب سعادتنصابنده (المولی الاعزالداعی الی الخیر خلاصة الارواح سرالمشكوة والزجاجة والمصباح تمس الحق و الدین نوراللّه فی الاولین والآخرین) تعبیر جلالتسمیریله دهنكشای مدح و ستایش اولمشدر
اوصاف و مناققبی (كالشمس فی وسط النهار) عیان و آشكار اولدیغندن اولبابده تفصیلدن صرف نظر ایدلدی. مشارالیه ابوالنجیب سهروردی حضرتلرینك خلیفۀ خلیفه+سی (ركن الدین) سجاسیدن اخذ فیض طریقت ایدرك كملین عرفا و مشایخدن دها برچوق ذواتك مصاحبات قدسیت آیاتنه مظهر اولمش وبر مدت قونیە+ده مولانای مشارالیه ایله همبزم الفت و معاشرت اولدقدن صكره (۱۲۴۷ م و ٦۴۵ ه)تاریخنده غیبوبت یاخود عزم كلزار ابدیت ایلمشدر. حضرت مولانانك اورتانجه مخدومی (الاءالدین محمد) یدیله شهید ایدلدیكی دخی جملۀ مرویات ضعیفە+دن اولوب انجق اشهر اقواله كوره مشارالیههك بر دفعه حضرت مولانایه بن غیبوبت ایده+جكم وبنی بو عالمده كمسه بولە+میە+جقدر دیە+رك كیدوب اندن صكرە نه اولدیغی ونه جانبده وفات ایلدیكی معلوم اوله+مامشدر حتی حضرت مولانا ارامق ایچون تبریزه قدر تشریف بیورمش ایدی