شكسپیر ویلیام — تیاترو اویونلرینك فاجعه فسمنی یازان انكلیز شعراسنك برنجیسیدر (۱۵٦۲ م و ۹۷۰ ه) تاریخنده و ارویك
قونتلغنده بر قصابك صلبندن دنیایه کلوب جهل و نادانی ایچنده اون سكز یاشنه بالغ اولدقدنصكره بر قباحت اوزرینه لوندره+یه فرار و اوراده بر تیاترو خدمتنده استقرار ایلدی. لكن فرط درایتی اثری اولە+رق هرنه+یه تشبث ایتسه آنی بو سرعت كامله ایله اله كنورمك خاصه+سنی حائز اولدیغندن بو قبیلدن اولمق اوزره (۱۵۸۹ م و ۹۹۸ ه) تاریخندن اعنباراً تیاترو مؤلفلری ایچنده تمیزه باشلایوب آز زمان ظرفنده الیزابت نام قرالیچه ایله برنجی (ژاق) ك نظر دقتلرینی جلب و برچوق نعم و عطایایه مظهریتله لوندره و اروشندن اولان (سوتوارك) ده غلوب نام تیاترو مدیرلکنی استحصال ایلدی و نهایت كافی درجه ثروت وغنایه مالك اولدقده تیاتروجیلغە ده ختام ویره+رك بقیۀ حیاتنی مملكتنده کچورمك اوزره قونتلق مذكوره عودت واللی ایکی یاشنده اولدیغی حالده (۱٦۱٦ م و ۱۰۲۵ ه) تاریخنده اورادن دار بقایه رحلت ایلدی. مرقوم قوۀ خیالیه+سنك وسعتی سایه+سنده پك كوزل و مؤثر اثرلر براقمش و اوتوز بش عدد نألیفاتی ایچندن دردنجی هانری) (رومه+او) (ژولیت) (له+ار قرالی)(ماكبت) (هاملة) (او توللو) عنوانلی اثاری فوق الغایه شهرت بولمشلدر