لغات تاریخیه و جغرافیه

Lugat-ı Tarihiyye ve Coğrafiyye

شقیق بلخی

Şakayık-ı Belhî

شقیق بلخی — كبار اولیاء اللهدن و امام زفر حضرتلرینك شاكردلرندن ایدی كنیە+سی ابوعلیدر زهد و فتوت وعلم و فضیلتده زماننك مشار بالبنانی اولوب بركون مشهور ابراهیم بن ادهم حضرتلریله اثنای مصاحبتنده مشلرالیهه معاش خصوصنده تصلسكز دیو صورار ابراهیم بن ادهم دخی بولدقجه شكر بولمدقجه صبرایدرز دیدكده شقیق خراساانك كلبلری ده عینیله بویله+درلر اصل سزاوار شعار انسانی بولدیغنی اثیار و بولمدیغی كونلرده شكر وثنایی ادامه و اکثار ایتمكدر) دیر. شقیق امام ابو حنیفه (رضی الله عنه) ك مجلسنه ملازمتی جهتیله ابو یوسف حضرتلریله دخی كسب آشنایی ایلمشیدی بر مدت مفارقتدن صكره بغداده كلوب ابو یوسفی مسند قضاده بولە+رق مشارالیهك كوزینه ایلشمكله ابو یوسف شیخم بو حزن و الم و بویله اكتسای لباس ماتمه سبب ندر دیو حالنی استفسار ایدر. شقیق (سبب سن ارادیغك شیئی بولوب بنم نائل مرام اولە+مایشمدر. دیكله ابو یوسف اغلامغه باشلار
مشارالیه دیمشدر که (بن ایتدیکم كناهلردن زیاده ایتمدیكم كناهلردن قورقارم زبرا خطیئات سابقە+می و آلان نه حالده بولندیغمی كوروب طورییورم فقط ایلروده یاپه+جغم شیدن خبردار دكلم). نصایح مرغوبە+لرندن بری دە شودركه (ناس ایله مصاحبت آتش ایله الفت كبی اولملی یعنی منفعتنی آلوب احراقندن حذر قلملیدر). مشلرالیه (۷۹۰ م و ۱۷۴ ه) تاریخنده (ختلان) نام محلده شهیداً ارتحال دار بقا ایتمشدر