شعیب علیه السلام — اصحاب ایکه دنیلان (مدین) اهالیسنه مبعوث بر پیغمبر ذیشاندر نسب عالیلری حقنده اختلاف وقوعبولوب بعضیلری شعیب بن صفوان بن غابر ثابت بن مدین بن ابراهیم دیه+رك نسبنی حضرت ابراهیم علیه اسلامه ایصال و بعضیلری دخی ابراهیم اولادندن اولمیوب مشلرالیهه ایمان و اثنای هجرتنده مرافقت ایدنلردن بر ذاتك نسلی اولدیغنی روایت ایدرلر خانم النبیین افنددمز حضرت شعیب حقنده (خطیب الانبیاء) بیوررلرایدی توراتده اسمی (یثرون) لقبی (میكایل)در موسی علیه السلام مصردن (مدین)، هجرتلری زماننده مشارالیهك كریمه+سی
صفورا) یی تزوح بیوروب مدت مدیده برلكده بولنمشلردر. حضرت شعیبك قومی اولان اصحاب ایكه پت پرستلكله موصوف و دائما قطع طریق و نهب و غارتله مألوف اولدقلرینه و اولبابده وقوعبولان نصایح علیه+یی عدم قبولده مصر و مستمر بولندقرینە مبنی (فاسقط علینا كسفاً) آیت كریمه+سی مدلولنجه (۳۹۳۹ خ) یاخود (۳۸۱۲ خ) تاریخنده یعنی میلادك بیك التی یوز اللی بش سنه مقدمنده حرارت شمس و حركت ارض ایله هلاك اولدیلر حضرت شعیب بر روایتده اخیراً اعمی اولوب مكۀ مكرمە+ده وفات ایلمشدر