لغات تاریخیه و جغرافیه

Lugat-ı Tarihiyye ve Coğrafiyye

شعر

Şiir

شعر — طبع مستقیم و علم روض قویم اجتماعندن حاصل اولان اثر موزونه اطلاق اولنوركه بیت رباعی تخمیس غزل قصیده تركیب ترجیع كبی انواع مختلفه+سی واردر. معلوم اولە كه شعر حكما عندنده كلام مخیلدر كرك موزون كرك غیر موزون اولسون شعرك مدارنی مخیلات اوزرینه وضع و نأسیس ایتمكده حكمت نفسك كلام تخیلیدن فبض و بسط جهتیله متأثر اولمسیدر حتی دیمشلردركه اقدام و احجام خصوصنده نفسك كلام تخیلی+یه مطاوعتی كلام تصدیقی+یه مطاوعتندن زیادە+در متأخرین تخیلی براغوب شعرده وزن و قافیه اعتبار ایته+یلر بعضیلری دخی شعری عمداً سویلنان كلام موزون دیوب تقفیه وتیخلی ترك ایلدیلر عمدی اختیاردن غرض تنزیل رب جلیلده واقع آیات موزونه+یی شعردن خارج طوتمقدر لكن تعریفات شعرده اك زیاده مختار و معتبر اولان (كلام مخیل موزون مقفی بطریق لعمد) نعریفی اولوب اهل دقت بونده عمدی دخی براقمدیلركه ذكری سبق ایتدیكی وجهله عمدقیدی بولنمسه قرأنده وجود شعر لازم كلوب حالبوكه كلام قدیمك بو مثللو اثار شعریە+دن بانئی (وما علمناء الشعر و ماینبغی له) و (ماهو بقول شعر) آیات كریمه+لریله رهین رتبۀ بداهتدر (دلارام) كلمه+سنه دخی مراجعت بیوریله