شرکت — انواع مختلفه+یه منقسمدر. برنجی(شرکت ملك) برقاچ كشینك اسباب تملكدن بر سببله یاخود ماللری بربرینه قارشمقله حاصل اولان اشتراكنه دیرلر ایكنجی (شركت اباحه) صو و اوت و آتش و مملوك اولمیان انهار و ابار كبی شیلرك بین الناس مباح و مشترك اولمسنه دینلور اوچنجی (شركت عقد) كه بوده متنوع اولوب بر ویا برقاچ كشی مساوی سرمایه ایله شریك اولدقلری حالده (شركت مفاوضه) و مساوات مشروط اولمیە+رق عقد اولنان شركته (شركت عنان) تعبیر اولنور شو ایكی نوع شرکتلر اخذ و اعطادن استرباح و یاخود عمللرینی سرمایه اتخاذ ایتمكله ده حاصل اولور دردنجی (شركت مضاربه) بر طرفدن سرمایه دیكر طرفدن سعی و عمل اولمق اوزره عقد اولنان بر شركتدر بونده سرمایه صاحبنه (رب المال) و عملنه (مضارب) تعبیر ایدرلر فقط مكان و زمان و بر نوع تجارت ایله و بایع و مشتری+یی نعیینله مقید اولمدیغی حالده مضاریب و بونلردن بریله تقیید
اولندیغی تقدیرده مضار بۀ مقیده دیرلر بشنجی (شركت مزارعه)بر طرفدن اراضی و دیكر طرفدن عمل یعنی زراعت اوله+رق حاصلات بینلرنده تقسیم اولنمغه اطلاق ایدیلور
شركت) حقوق طبیعیه+ده بر مقصد مشتركه وصول ایچون صرف مساعی ایتمك اوزره قوۀ مجبره+یه تبعیتله اولمیە+رق آز ویا چوق انسانلرك برلشملرینه تعبیر اولنور شركتك انعقادی مقاوله+یی مستلزمدر. شركت مقصد مشترك و مشروع اولمق شرطیله درلو درلو اوله+بیلور مثلا فنی اولور (آقادمیا) یعنی انجمن دانش كبی صناعی اولور تجارت شركتلری کبی بر شركتی تشكیل ایدن اعضا هیئتی شخص واحد حكمنی الە+رق آوروپا لساننده (مورال) و (قولكتیف) و (ژریدیق) الملریله یاد اولنور تجارتده شركت دیو كار و ضررندن حصه+دار اولمق شرطیله بر مقدار سرمایه بركدیرمك اوزره اشخاصك برلشملرینه دینلور آوروپا دولتلرنده موضوع و مرعی تجارت قانونلریله حقوقلری معین شركتلر برقاچ درلودر
(۱)
بر نوع تجارت ایچون ایكی ویا دها زیاده اشخاصدن عبارت اولور بوكا (فولكتیف) دیرلر
٢) ضامن و مسئول بر و یا برقاچ اعضا ایله غیر مسئول و فقد یالكز سرمایه تداركنه مجبور و یا بر قاچ اعضا اره+سنده عقد اولنان شركتدركه بوكا (قوماندیت) تعبیر ایدرلر
٣) آنونیم تعبیر اولنان شركتدر. بونك اسم مخصوصی یوغیسه ده رخصت و نظارت رسمیه تحتنده بولنور)
٤)ابتدای تشكلنده رأس المالی ایكی یوز بیك فرانغی تجاوز ایتمك و فقط سنه بسنه تزبید اولنه بیلمك اوزره تشكل ایدن شركتلردر بونلره ده (قوپراتیف) دیرلر
.بو شركتلرك آوروپاده ابتدای تشكللری اون النتجی عصر میلادی+یه مصادف ایدر