شرف الدین عبداللّە بن ابی السری محمد ابن هبة اللّه — اعیلن فقهای شافعیە+دن و فضلای عصردن اولوب ابن ابی عصرون دینمکله ذكری اقطارده سائر وصیت فضل و شرقی اطرافه منتشر ایدی. اولا مملكتنده تحصیل مبادئ علوم ایله بغداده كیدرك اوراده علم فقه و اصول و سائره+یی تعلمه اشتغال و بعده واسطده و بر وقت دخی وطنی اولان موصل و سنجارده اقامتله فنون و علومی اكمال ایلدكدن سكره (١١٥٠ م و ٤٤٥ ه) ده حلبه انتقال و مؤخراً (٥٤٩ ه)ده ملك عادل نورالدین محمود بن عمادالدین زنكی زماننده شامه ارتحال ایدرك تدریس علومه بذل مقدور فوق العاده و ینه اوراده اوقاف شریفه متولیلكنی درعهده ایلدی صكره حلبه عودلته مذهبه دائر تألیفاتنك اك كزیدە+لری اولان صفوة المذهب من نهایة المطلب جلد ٧ و كتاب الانتصار جلد ٤ و كتاب المرشد جلد ٢ و كتاب الذر یعه فی معرفة الشریعه نام كتابلری شهر مذكورده سلك تألیفه چكدی. علم خلافدن
تیسیر و مأخذ النظر و فرائضدن مختصر و ارشا دالمعرب فی نصرة المذهب و ذهب فی مانهبله بحلب نام كتب معتبره دخی جملۀ تضیفاتندندر
مومی الیه حلب حما حمص و بعلبك+ده مدارس عدیده تأسیس ایلمش و سنجار و نصیبین و حران و سائر ممالك قاضیلكلرنده بولنە+رق بعده(۵۷۰ ه)ده شامه عودتله اوراده دخی مسند قضایی احراز ایتمشدر. آخر عمرنده یعنی وفاتندن اون سنه اول كوزینه عمی طاری اولمغله اوغلی محیی الدین مأموریتنده كندوسنه نیابت ایدر ایدی صكره اعمانك قضاسی حقنده دخی بر جرؤ لطیف یازدی. ولادتی (١٠٩٨ م و ٤٩۲ ه) تاریخنده موصلده و وفاتی (١١٨٩ م و ٥٨٥ ه) تاریخنده شامده وقوعبوله+رق داخل بلده+ده كندو انشا كرده+سی و نامیله معروف اولان مدرسه+ده دفن اولمشدر