شرف الدین ابوالقاسم هبةاه — علمای شافعیه ایچنده یتیشان علامه+لردن اولوب ابن بارزالحموی دیمکله معروفدر حماده قاضی ایدی مدت مأموریتنده ذره قدر طریق عدل و حقانیتدن عدول ایتمامشدر احكامی غایت نافذ اولوب مهابت و افره و جلالت ظاهره صاحبی ایدی و اعضا و اندامی متناسب اولوب مكارم عامه و ارباب خیر و صلاح حقنده محبت عظیمه و فقرا و مساكین حقنده شایان غبطه بر حلم و تواضعله متخلق ایدی. كراتله مصر قاضیلغی تكلیف اولندیغی حالده قبول ایتمیوب كندو مملكتی قاضیلكیله اكتفا ایتمش و عصرنده كندوسی قدر بر مؤلف عالیكعب
دها ظهور ایتمامشدر. تفسیرده كتاب البستان جلد ٢. كتاب روضات المحبین . جفد١٢. حدیثده كتاب المجتبی (كه جامع اصولك مختصری) فتاواده اظهار الفتاوی. تیسیر الفتاوی من تحریر الحاوی. شرح نظم الحاوی جلد ٤. كتاب المغنی. تمییز التعجیز. توثیق عری الایمان فی تفضیل حبیب الرحمن. قرأآت سبعە+ده. السرعة. الدرایة. تصنیفاتندندر طبیعت شعریه+سی دخی اولوب ابیات آتییه+یی حما والیسنی ولیمه جمعیتنه دعوت ضمننده یازمشیدی
طعام العرس مندوب الیسه
و بعض الناس صرح بالوجوب
فجیرا ًبالتناول منه جرباً
علی المعهود فی جبر العلوب
سور حماه بر بها محروس) عباره+سی دخی طوغریدن طوغری+یه و یاخود معكوساً اوقوندیغی حالده الفاظ و معنای اصلی+یه خلل كلمامك اوزره سویلدیكی نثرلردندر. مومی الیه (١٣٣٧ م و ٨٣٨ ه) تاریخنده وفات ایدوب حقنده شعر اسوزشلی مرثیە+لر سویلمشلردر