لغات تاریخیه و جغرافیه

Lugat-ı Tarihiyye ve Coğrafiyye

شداد

Şeddâd

شداد — عاد اولی دنیلان و خطۀ احقافده خیمه نشین اولان قبلۀ ارم حكمدارلرندندر قرنداشی شدیده خلف اولمشیدی (٣٠٤٤ خ) تاریخنده یعنی میلادك ایكبیك بشیوز اللی سنه مقدمنده قبیلۀ مزبوره+نك اون اوچ شعبه+سی پیغمبرلری (هود) علیه السلامك بددعاسی و حسوم بلیە+سیله هلاك اولوب قصوری دخی اطرافه طاغلمغله اقیال یمن ظهوره كلمشدر شدادك عدن جانبنده نظیر دارالنعیم اولمق اوزره (ارم) نامنده بر جنت یاپدیردیغی و متعلقاتیله برابر تماشاسنه كیدركن ارمه بركون كیجه قالدقده بر صیحۀ هولناك آسمانی ایله هلاك اولوب جنت دخی كوزدن نهان اولدیغی حقنده روایات كثیره وارسه ده جامع دولده یازدیغی اوزره بوجنتك (قوم عادك منصوص اولان هلاکی فقرە+سی مستثنا اولە+رق) زمین وهم و خرافات اوزرینه مؤسس ایدوكی ظن اولنور. نص جلیلدن مستفاد اولان (ارم) ك مطلقا بر شهر یاخود بر بنای رفیع اولمسیدر. وسام بن نوح علیه السلامك بشنجی اوغلی دبیانلرده واردر. (ارم) كلمه+سنه دخی نظر بیوریله