لغات تاریخیه و جغرافیه

Lugat-ı Tarihiyye ve Coğrafiyye

شجرالدر

شجرالدر — ملوك ایوبە+نك خاتمه+سیدر كندوسی ذاتا ًایوبیۀ مصریه+نك اوچنجیسی اولان و مصرده اك ابتدا برچوق كوله+لر اشتراسی و آنلردن عسكر و لشكر ترتیبیله مصره كولمن تحكمی تخمنی اكن ملك صالح نجم الدین بن الكاملك ام و لد جاریه+سی اولوب مشار الیه (١٢٤٩ م و ٦٤٧ ه) سنه+سی اوآخرنده ارتحال دار بقا ایدرك سلطنت مخدومی ملك نور انشاهه منتقل اولدقدن وچوق كچمیە+رك مشار الیه دخی باباسنك ترتیب ایتدیکی كولمن عسكری النده مقتول دوشدکدن صكره مصر خلقی مومی الیهایی اوزرلرینه حكمدار ایدنمشلر ومتوفی ملك صالحك پروردە+سی (عزالدین ایبك چاشنكیر) ی دخی عسكر نظارتنه اننخاب ایلمشلر ایدی اشته او ارالق شجر الدر اوچ آی قدر سلطان مصر اولوب نامنه خطبه اوقونمش و (ملكة المسلمین والدة الملك المنصور خلیل) دیو اسمنه سكه كسمشدر. شجرالدرك ملك صالحدن خلیل اسمنده بر اوغلی اولمش اولدیغندن « والدة خلیل » عنواننی كرك نقش سكه+ده وكرك توقیع مناشیرده مومی الیها كندوسنه عنوان حاکمیت قلمشیدی انقضای ایام حكمرانیسنه بادی شو ایدی كه او وقتلر افرنجك اورالره تسلطی زمانی اولدیغندن اویله بر وقتده امر سلطنتك قادین النده قالمسی اعیان دولت عقلاسی عندنده بجا كورلمیوب امیر عسكر اولان مومی الیه عزالدین ایبك ایسه او ارالق دمیاطی افمرنج الندن فورتارمق خدمت جمیله+سی جهتیله مسند حكمداری+به دها ایلق كورندیكندن اعیان بلده شجر الدری خلع ایله یرینه (الملك المعز عنوانیله مومی الیه (ایبك) ی اجلاس و مؤخراً ایوبیە+دن بر كیمسه+نك حكمدارلغنی دها مناسب كورملریله آنی ده خلع ایدوب یرینه نسل ابوبیە+دن ملك اشرف (موسی) یی اجسلاس و ایبكی اكا اتابك وزیر خاص) نصب ایلدیلر (ایبك) ایسه ملك مشار الیهه معارض كیدە+رك) و كندو رقیب و معارضلرینی ازاله ایدرك ینه استقلال بولمغله مشار الیهی بر طرف و خطبه+سنی قطع ایلدی (ملوك ایوبیە+نك دیار مصردن انقضای دولتلری اشته بو (١٢٥١ م و ٦٤٩ ه) تلریخنده وقوعبولمشدر) و بر سنه صكره شجرالدری دخی حبالۀ ازدواجنه آلدی لكن ایكی سنه صكره موصل امیری (بدرالدین لؤلؤ) ك قزینی دخی المغه قالقشدیغندن (شجر الدر) كین اغلیوب بركون حمامه صویندقلرنده درون حمامده طواشیلرینه امر ایله مشار الیهی قتل ایتدیردی و پرمغنی كسوب خانمی ایله برابر امرادن (عزالدین الحلبی) یه ارسال و ملكك اكا تسلیمنی وعد ایلدی لكن عزالدین جرأت ایده+میوب ایرتسی كون قضیه هركسك معلومی اولدقده ایبكك مملوكلری شجر الدرك اوزرینه یوریدیلرسە ده بعض طوائف عسكر یه ممانعت ایتدكلرندن اعدامنه موفق اوله+میوب فقط ایبكك یرینه اوغلی (الملك المنصور نورالدین علی) ی اجلاس ایلدیلر. بو ذات باباسنی قتله مباشرت ایدنلری بولوب برر برر صلب و اعدام ایتدیكی صره+ده (شجر الدر) ی دخی بوغدیروب جسدینی قلعه دیوارندن اشاغی آتدیرمشدر