اسماعیل علیه السلام — پیغمبران عظامدندر و حضرت
ابراهیم علیه السلامك اوغلی و حضرت اسحق علیه السلامك لاب
قرنداشیدر. حضرت ابراهمك هیج بر اولادی دنیایه كلمدیكیچون
زوجه+سی حضرت ساره مصر ملكنك مقدما هدیه ایتدیكی ) هاجر)
نام جاریه+یی حضرت ابراهیمه اهدا و استفراشنه مساعده ایلدیكندن
حضرت اسماعیل (٣٥٥٨ خ) تاریخنده یعنی میلادك ایكبیك اوتوز التی
یاخود ایكبیك یوز طقسان اوچ سنه مقدمنده دنیایه كلدی مؤخراً
جناب حق سارە+یه دخی حضرت اسحاقی احسان بیوردیغندن ساره
هاجر ایله اوغلنك تبعیدینی استدی حضرت ابراهیم زوجه+سی مومی
الیهانك خاطرندن چیقه میوب حضرت اسماعیلی والده+سیله برابر ارض
مكه+ده کعبۀ مكرمه+نك اولدیغی محله براقدی بر مدت صكره حضرت
ابراهیم اوغلی اسماعیلی كورمك ایچون مکۀ مكرمه+یه كیدوب برلكده کعبۀ
مكرمه+یی یاپدی و (ربنا انی اسكنت من ذریتی بو اد غیر ذی زرع عند
بیتك المحرم) دیه+رك دعا ایدوب ینه حبرونه عودت بیوردی و یمندن شام
شریفه كیدن (جرهم) قبیلۀ جسیمه+سی مکۀ مکرمه+یه كلوب بئر زمزمك
ظهوری مناسبتیله اوراده توطن ایلدی حضرت اسماعیل قبیلۀ مذكوره
رؤساسی نزدنده علو قدر و منزلتنی اظهار وانلردن برینك قزیله تزوج ایدوب
مؤخراً قبیلۀ مذكوره+یه پیغمبر بعث بیورلدی. مشار الیه حضرتلرینك
بو قزدن (نبایوت) و (قیدار) و (آدبایل) و دیكر اسملرده اون ایكی
اولادی دنیایه كلوب هر بری بر قبیله+یه رئیس اولمش و پدر طرفندن
كلدانی و والده طرفندن عرب اولدقلریچون بونلره )عرب مستعربه) نامی
ویریلمشدر علیه الصلاة والسلام افندمز (قیدار) سلاله+سنه منسوبدر.
حضرت اسماعیل علیه السلام یوز اوتوز یدی سنه معمر اولوب (٣٦٩٥ خ)
تاریخنده یعنی میلادك بیك سكز یوز طقسان طقوز سنه مقدمنده وفات ایلدی