شاهرخ — خراسان و تركستان حكمد اری امیر تیمور كركانینك اوغلیدر (١٤٠٤ م و ۸٠۷ ه) ناریخنده برادرزاده+سی میرزا خلیله غلبه ایله جالس تخت سلطنت اولوب فقط ماوراء النهری اكا ترك ایلمش و طقوز سنه صكره ماوراء النهری دخی حرباً ضبط ایله پای تختنی هراته نقل ایدوب بو جهتله بالجمله عراق عجم و خراسان و غزنه و افغانستان و هند و جین حدودینه قدر قبضۀ اداره+سنه کچمش ایدی سلطنتی قرق اوچ سنه+یه بالغ اولوب (١٤٤٦ م و ٨٥٠ ه) تلریخنده وفات ایلمشدر. مشار الیه عابد و زاهد و عاقل و عادل بر ذات خوش خصائل ایدی. حیاتنده برنجی اوغلی (ابراهیم) ی بلخ و طخارستان و كابل و بدخشان ایكنجی اوغلی (سیور غتمش) ی غزنه و قندهار وافغانستان اوچنجی اوغلی (محمد چوكی) یی دخی كرشمیر و ختلان ولایلرینه بشقه بشقه والئ مستقل نصب ایدوب بونلر وكرك اخلافلری ممالك مزبوره+ده خیلی زمان حكمران اولمشلردر