شاهدی — رجال مولویه+دن موغله+لی ابراهیم دده حضرتلرنك ترتیب و تألیف بیوردیغی منظوم لغت کتابنك اسمیدر مشار الیه (کلشن توحید) نامنده بر مثنوی دخی یازوب (١٥٢٠ م و ٩٢٧ ه) تاریخده وفات ایلدی
علی روایةً بو ذات موغله دفترداری اولدیغی حالده مشایخ مولویە+دن قره حصار صاحب پوست نشینی سلطان دیوانی محمد افندی حضرتلرینك امتحان و ارشادیله واصل سرمنزل مرام اولمش و موغله+ده اولان قبر شریفی زیارتکاه اولدیغی كبی شاهدیسی دخی عند الانام مقبول و متمین بولنمشدر شاهدی مرحومك امتحان مذكور مناسبتیله بو یننده كسك یری كبی قالان بر علامتك الی الان اولادلرنده دخی ظهور ایلدیکی و بویله بر علامتی اولان درویشك مولوی دركاهلرینك كافەسنه بلاچله قبول اولند بعض کتابلرده كورلمشدر