لغات تاریخیه و جغرافیه

Lugat-ı Tarihiyye ve Coğrafiyye

اسماء

اسماء — ابو بكر الصدیق حضرتلرینك بیوك كریمه+سی و عشرۀ مبشره+دن زبیر بن عوام حضرتلرینك زوجه+سی و عبد الله ابن زبیر حضرتلرینك والده+سیدر (رضی عنهم) . اوغلنك شهادتی كونی مشارالیها ایله ایتدیكی استشارە+ده ویردیكی جوابلر متانت عقل و قوت قلب و صبرینه دلیل اولدیغندن بعضیلرینك بیاننه تصدی اولنور شویله كه حجاج ظالمك ابن الزبیری طوتمق قصدیله مکۀ مكرمه+یی شدتله محاصره و تضییق ایتدیكی كونلرك برنده مشار الیه والده+سی اسماء جنابلرینك ایكی اللرینی بردن أوپمك اوزره كندی النه آلدیغنده (اوغلم وداعمی ایدییورسك دیو سؤال ایتدی ابن الزبیر حضرتلری دخی (اوت وداعه كلدم زیرا ظن ایدرمكه بوكون آخر كونمدر) دیدكده (اویله ایسه هایدی بصیرت اوزره كیت فقط كل بنده سكا وداع ایده+یم) دیه+رك بوینونه صارلمسیله الی مشار الیهك كیمش اولدیغی زرهه طوقوندقده زره پوش اولدیغنی اكلایوب (اوغل، بو سنك ایستدیككی ایستیانلرك یعنی آرزوی شهادت ایلیانلرك كاری دكلدر ) دیدی مشارالیه دخی (بونی بن انجق سكا مدار قوت و تسلیت اولسون ایچون كیدم) جوابنی ویردكده (بو بكا مدار قوت و تسلیت اوله+ماز) بیوردی مشار الیه درحال زرهنی چیقاره+رق حربه كیدوب او كون شهید اولدی و شهید دوشمسیله حجاج طاقمی تكبیر كتوردی. شوراسی غریبدركه ابن عمر حضرتلری تكبیری ایشتدكده باقك شو حجاجك عسكرینه كه مؤمنلر اشبو عبدالله ابن زبیرك ولادتی كونی (یهودیلرك بز مسلمانلری تسخیر ایتدك انلرك اوغللری اولمز سوزلری یلان چنقمش و اسلام سونجلرندن تكبیر كتورمش ایدی اشته بوكون دخی شهادتنه سوینوب تكبیر كتورنلری مقایسه ایجاب ایدر) بیورمشدر. لیلهء هجرت حضرت فخر رسالتده مشار الیها حضرتلری نطاقنی (قوشاق) ایكی+یه بولوب بر پارچه+سنی سفره و دیكر پارچه+سنی قربه+یه باغ اولمق اوزره عرض ایتدكلرنده جانب جناب سید البشردن (یا اسماء سنك بو نطاقكه بدل جناب حق سكا جنتده ایكی نطاق احسان بیوره+جقدر) تبشیری شرفصادر اولمغله مشار الیها (ذات النطاقین) وصف جمیلیله شهرت بولمشیدی