شام — سوریه ولایتنك مركز اداره+سیدر بو شهر (برده)نهری اوزرنده و استانبولك جنوب شرقیسندن بیك یوز كیلومترو مسافه+ده واقع اوله+رق اوتوز بیکی خرستیان بش بیكی یهودی و قصوری اسلام ایكی یوز بیك نفوسی جامعدر. داخل و خارجی الویرە+جك قدر كوزل اولوب قله+لرله یاپلمش سورلری و مستحصن قصری و برچوق چشمه و منتظم قالدیرملری و التمشدن متجاوز جامعلری و كوزل مدارس و تكایا و چارشولری و مشهور و لطیف قهوه+خانه و ایكی یوز قدر حماملری و غایت جسیم واروشلری واردر. وقتیله چلیك و قلیج و سلاح فابریقه+لری مشهور انام ایدیسە ده تیمورلنك چلیك اعمال ایدن عمله+یی بخار ایله قالدیردیغندن اعمالات مزبوره+سی بالاخره سكته+دار اولدی. الیوم صدفلی طوغرمه+جی ایشلری واقمشۀ حریریه و قطنیە+سی و كشمیر واینجو و كل یاغی و عطریات سائره+سی معتبر اولوب اهالی بو یوزدن مطلوب وجهله تجارت ایتمكده و مكه وبغداد جهتلرینه جسیم كاربانلری كلوب كیتمكدە+در شام غایت قدیم برشهر اولوب سفر التكوینده دخی مذكور و درون و بیرونی لایعد مراقد انبیا و اولیایی حاوی اولمغله مشهوردر. جوامع شریفه+سی ایچنده وسعت و انتظامی جهتله اك زیاده شهر تشعار اولان جامع امویه+نك شرقنده كائن مناره+ یه آخر زمانده عیسی علیه السلام نازل اوله+جغی اعتقاد ایدلمكده و منارۀ مذكوره نزدنده بولنان بر طاش دخی موسی علیه السلامك عصاسیله ضرب ایدوب بطریق امعجزه كندوسندن اون ایکی كوز صو نبعان ایدن طاشدن بر پارچه اولدیغی روایت اولنمقدە+در جامع مزبورك باب الساعات تسمیه اولنان قپوسی جوارنده بر صخرۀ عظیمه واردر روایته کوره قدیمده صخرۀ مزبوره اوزرینه ذبح ایدیلان قرابین وضع اولنوب مظهر مقبولیت ایسه سمادن بر آتش اینە+رك احراق ایدردی. شامده جبل قاسیون (صالحیه) دنیلان طاغده هابل بن آدم علیه السلامك موضع دمی اولمق اوزره طاننمش اولان مغاره اهالئ شام عندنده طلب حاجات و دعوات ایچون غایت متمین و مجربدر و فی الواقع محل مزبور لطیف و شریف
و هیبت و جلالتله مشحون بر زیارتكاهدر) یحیی بن زكریا علیهما لسلام و والده+سی بوراده قرق سنه اوتورشلر و عیسی علیه السلام و حواریون اوراده عبادت پیورمشلر ایدی. جبل مذكورك اتكنده واقع (نهر یزید) نام ایرماغی
یزید بن معاویه بن ابی سفیان حفر ایتدیردی. شامده اثار قدیمه+دن اولمق اوزره صالحیه+ده (برزه) نام محلده
منشق بر موقع اولوب حضرت ابراهیم علیه السلامك شام ملکی نمرودك الندن بوراده اختفا بیوردیغی منقولدر
(شام شریف و حوالیسنده اولان بعض زیارتكاهلر)
مشهد رأس یحیی علیه علیه‌السلام جامع امویده
مشهد حسین یاخود مشهدالرأس (رضی) باب غرادیس داخلنده
زین العابدین بن علی بن حسین (رضی) جامع امویده
سیده زینب و فاطمه بنت امام علی (رضی) باب الصغیرده
ست سکینه بنت حسین وسائره (رضی) باب الصغیرده
ازواج طاهراتدن اوچ خاتون وسائره (رضی) باب الصغیرده
اصحابدن بلال حبشی (رضی) باب الصغیرده
اصحابدن سهل بن ربیع الانصاری (رضی) باب الصغیرده
اصحابدن عبداه بن مسعود (رضی) باب شرقیده
اصحابدن و اثله بن اسقع (رضی) باب الصغیرده
اصحابدن ابوالدرداء عویمر (رضی) باب الصفیرده
اصحابدن اوس الثقفی (رضی) باب الصغیرده
اصحابدن ابی بن کعب و جبل معاذ (رضی) باب شرقیده
اصحابدن معاویه بن ابی سفیان (رضی) باب الصغیرده
اصحابدن ابی الدحداح و عبدالرحمن (رضی) جهت شمالیده
اصحابدن دحیة الکله+بی (رضی) جبل ربوه+ده
اصحابدن تمیم الداری بن حبیب (رضی) قریۀ طیبە+ده
اصحابدن سعد بن عباده (رضی ) قریۀ منیحە+ده
اصحابیاتدن خولته بنت الانور (رضی) جهت شرقیده
محیی الدین العر بی حضرتلری جبل صالحیە+ده
ابو یزید بسطامی نجدریه قریە+سنده
سلطان نورالدین شهید مدرسۀ حنفیه جوارنده
سلطان صلاح الدین ایوبی مدرسۀ مذكوره جوارنده
علی المقعد الصمصیمانی باب الصغیرده
فخر بن اعساكر قلعه جوارنده كندو مدرسه+سنده
تقی الدین حصینی خارح شامده یول اوزرنده قبیباتده
مراز بن الازور الاسدی جذماده
ارسلان دمشقی باب طوماده
شیخ زین الدین حضرت معاویه تربه+سی جوارنده
ابن فیم الجوزیة الحنبلیه مدرسۀ صابونیە+ده
شیخ ابراهیم النلجی باب الصغیر غربیده
شیخ یوسف الفمین جبل صالحیە+ده
شیخ ابو بكر العرودك جبل صالحیە+ده
شیخ ابوبكر بن قوام جبل صاحیه+ده
شیخ جمال الدین بن مالك جبل صالحیه+ده
شیخ جندل منین قریه+سنده
ابو العباس احمد بن قدامه جبل صالحیه+ده
عبدالرحمن بن عطیة الدارانی جبل ربوە+ده
ابی مسلم الخولانی داریا قریه+سنده
رابعة الشامیه داخل قیمریه+ده