شافعی — ائمۀ مذاهب اربعه+نك اوچنجیسیدر اسمی محمد بن ادریس كنیه+سی ابو عبدالله سقط رأسی (غزه) اولوب ایكی یاشنده مكۀ مکرمه+یه كتوریلە+رك مدینۀ منوره+ده امام (مالك) حضرتلرندن تحصیل علوم ایلمش و امام (احمد بن حنبل) كبی افاضل امت حلقۀ تدریسنده بولنە+رق صیت فضل وكامالی اقطار عالمه اننشار ایمش ایدی. امانت و عدالتی و زهد و سخاوت و عقل و ذكاوتی والحاصل جمیع اوصاف ممدوحە+یی حائز بر وجود نادر الموجود اولدیغی كافۀ علمای اسلام نزدنده متفقاً تسلیم اولنمش و مناقب شریفە+لرینه دائر اون اوچ چلد كتاب یازلمشدر. ائمۀ اثنی عشردن موسی
الكاظم حضرتلریله الفت و معاشرتنه مبنی هركس رفضنه ذاهب اولە+رق حبسه القا اولندقده (ان كان رفضی حب آل محمد. فلیشهدالثقلان انی رافض)ییورمشدر. (من ادعی انه جمع بین حب الدنیا و حب خالقها فی قلبه فقد كذب) عباره+سی دخی جملۀ كلام حقیقت اتساملرندندر مشار الیه اللی درت یاشنده و (٨١٢ م و ١٩٧ ه) یاخود (٢٠٤) تاریخنده مصرده وفات ایدوب ( قرافه) نام محله دفن اولنمشدر امام (سلیمان) و امام (حسن) و امام ابوثور و ابو ابراهیم المزنی منتخب شاكردلرندن ایدی